Daily Mail: "ლივერპული" კილიან მბაპეს უმიზნებს
საფეხბურთო კლუბ "ლივერპულის" ხელმძღვანელობა, უწყვეტ კავშირშია "პარი სენ-ჟერმენის" შემტევთან - კილიან მბაპესთან. ამის შესახებ ინფორმაციას გამოცემა Daily Mail გვამცნობს. წყაროს თანახმად, ინგლისური კლუბი ფეხბურთელთან კონტრაქტის გაფორმებას 2021 წლის ზაფხულში შეეცდება. მოსალოდნელ ტრანსფერში, "ლივერპულის" მთავარი კონკურენტი მადრიდის "რეალი" იქნება -აცხადებს გამოცემა. პრესაში გაჟღერებული ცნობით, კილიან მბაპემ "პარი სენ-ჟერმენის" ხელმძღვანელობას გუნდის დატოვების სურვილის შესახებ უკვე განუცხადა. წყარო მიუთითებს, რომ ახალგაზრდა შემტევს საკუთარი კარიერის გაგრძელება ესპანეთში ან ინგლისში სურს.
კილიან მბაპე, ფრანგული კლუბის რიგებში 2017 წელს გამოჩნდა. მანამდე იგი "მონაკოს" ღირსებას იცავდა. სატრანსფერო თანხამ 145 მილიონი ევრო შეადგინა. მისი მოქმედი ხელშეკრულება ძალაში 2022 წლის 30 ივნისამდეა. გასულ სეზონში მბაპე ლიგა 1 ტურნირზე 18 გატანილი გოლით და 5 ასისტით გამოირჩა. ხსენებულ ტურნირში ფეხბურთელმა სულ 20 შეხვედრაში მიიღო მონაწილეობა.
Liverpool 'are in regular contact with Kylian Mbappe over a stunning move next summer' https://t.co/d0IqNMrRF4
— MailOnline Sport (@MailSport) September 22, 2020