"ბაიერნი" 25 მილიონ ევროს იხდის

"ბაიერნი" 25 მილიონ ევროს იხდის ამსტერდამის "აიაქსის" უკანახაზელი სერჟინიო დესტი, მიუნხენის "ბაიერნის" რიგებში გადასვლასთან ახლოს არის. ამის შესახებ ინფორმაციას გამოცემა Redactie Telesport-ი ავრცელებს.

წყაროს მტკიცებით, გერმანული გრანდის მესვეურებმა ჰოლანდიელ კოლეგებს, ხსენებული გარიგების სანაცვლოდ - 20 მილიონი ევრო შესთავაზეს. წინადადება ასევე ითვალისწინებს დამატებით ბონუსებს, 5 მილიონი ევროს ოდენობით. ფეხბურთელსა და ამსტერდამის "აიაქსს" შორის გაფორემბული ხელშეკრულება 2022 წლის ზაფხულამდეა ძალაში.

სერჟინიო დესტი, 19 წლის მარჯვენა განაპირა მცველია. ინტერნეტ-პორტალი transfermarkt-ი ხსენებულ ფეხბურთელს 18 მილიონ ევროდ აფასებს. მისი მომსახურებით, არა ერთი ევროპული გრანდია დაინტერესებული - მათ შორის კატალონიის "ბარსელონაც".

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.
ზემოთ