ზლატანი: ბენჯამინ ბატონს ვგავარ - დავიბადე მოხუცი და ვკვდები ახალგაზრდა

ზლატანი: ბენჯამინ ბატონს ვგავარ - დავიბადე მოხუცი და ვკვდები ახალგაზრდა საფეხბურთო კლუბ "მილანის" ვეტერანმა შვედმა შემტევმა ზლატან იბრაჰიმოვიჩმა, ჟურნალისტებთან მიცემულ ინტერვიუში "ბოლონიასთან" გამართული მატჩის შესახებ ისაუბრა. შეგახსენებთ, აღნიშნულ პაექრობაში "მილანმა" ანგარიშით 2-0 იმარჯვა, თავად ფეხბურთელი კი დუბლის ავტორი გახდა.

”კარგ ფორმაში ვარ. მუშაობას ვაგრძელებ, ეს სეზონის მეორე ოფიციალური მატჩი იყო. ჩვენ მოვიგეთ. მე კიდევ უფრო მეტი გოლის გატანა შემეძლო. 20 წლის რომ ვყოფილიყავი, კიდევ ორ გოლს გავიტანდი. არ ვარ ხანდაზმული. ბენჯამინ ბატონს ვგავარ - დავიბადე მოხუცი და ვკვდები ახალგაზრდა. სერიოზულდ, რომ ვისაუბრო გუნდმა კარგად იმუშავა. ჯერჯერობით, ჩვენ ასი პროცენტით მზად არ ვართ და შესაბამისად, უამრავი შეცდომაც დავუშვით, როგორც წესი მსგავს შეცდომებს არ ვუშვებთ, მიუხედავად ამისა ეს კარგი დასაწყისია” - ციტირებს იბრაჰიმოვიჩის სიტყვებს გამოცემა Sky Sport Italia.

შემდეგ ტურში "მილანი" "კროტონეს" დაუპირისპირდება. მატჩი 27 სექტემბერს გაიმართება. 28 სექტემბერს "ბოლონია" საშინაო კედლებში "პარმასთან" გამართავს პაექრობას.

» წყარო

ინფორმაცია ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში.